اسماك صينية فيليه وقار بالكريمة و الفحم

المكونات:
1.1/2 سمك وقار فيليه {ممكن بلطي بالتاكيد}
4 طماطمات كبار
بصلتين كبار
7 فصوص توم كبيرة
بطاطستين كبار
3 فلفل الوان
1/2 كوب كريمة طبخ
فلفل
5 ورقات لورا
7 حبهان
7 قرنفل
معلقة قرفة صغيرة
جرام مستكة
معلقة كركم
معلقة كاري
عصير لمونتين
الملح حسب الرغبة
قطعتين فحم

طريقة التحضير:- نغسل السمك بالخل والملح الخشن
- تقطع البطاطس والبصل شرائح ويترصو في الصينية بعد دهنها بشوية زيت خفيف
- نرص شرائح السمك والطماطم والفلفل فوق البصل والبطاطس
- ونحط التوم بدون تقطيع
- نضع البهارات كلها والملح ونحاول نوزعها بالتساوي
- وبعدها عصير الليمون
- علي فكرة مش هاندخلها الفرن احنا هنحط شوية ميه ونغطي الصينية ونسويها علي البوتاجاز لازم نغطيها في الاول
- نلاحظ البطاطس بالشوكة او بسكينة ولما تقرب تستوي هانشيل الغطا ونسيب الميه تنشف
بعد كده هانحط الكريمة ونهدي النار لغاية لما الكريمة تنشف شوية
- هاندخل الصينية الفرن ونشغل الشواية لغاية لما تاخد اللون الذهبي ونطلعها
لو ماعندناش شواية في الفرن هانولع الفرن من قبلها علي اعلي درجة ونحط الصينية في اعلي رف وناخد بالنااول ما يحمر الوش نطلعها
- اوعو تنسو الفحم هانكون حاطينه من قبلها علي النار ولما نطلع الصينية من الشواية هانحطه فيها ونغطي الصينية كويس لغاية لما نييجي نقدمها نشيل الغطا هاتدي ريحة جميلة جدا
وان شاء الله طعم احلي وبالهنا والشفا

بالهنا والشفا رمضان كريم
تسلم اختياراتك

/ أحمد
الله أعز وأكرم
على مرورك وتواصلك الرائع معي
والقادم افضل