كلام حقيقي مش كلام وخلاص
ضاع بين الناس الاخلاص
وقيمنا بقيت بالمداس تنداس
نسينا دينا وروحنا ونبينا
نسينا اهم حاجه يا ناس
مسكنا اللهو وسبنا الاساس
بقينا نشتم ريسنا
ونشتم حكومه والزمان
لكن عيبنا مش ريسنا
عيبنا فينا احنا يا ناس
نقول عايزين عايزين
وهو يجيب منين يا ناس
كفاية كام سنة ؟!!ما حاربنا
بعد انتصار عظيم بحماس
وبقينا فى الامان عايشين ليالينا
وحريتنا ما بتنداس
كله بيقول ويعبر
ولينا حق الاختيار يا ناس
احنا نقصنا الوحدة والحب
والاخاء والتعاون هما الاساس
بنقول وما بنعمل ، ونعمل ضد القول
وعايزين نبقى احسن ناس
بصوا حبايبي لروحكم وتأملوا
ليه كرمتنا دايما تنداس
ليه نتفرق ونقطع بعض
ونقض العهد ونصب واختلاس
مظاهر وفشخره وضاع الاخلاص
عايزين ايه يا ناس من الريس
ما احناابعدنا عن الاساس
قلدنا الغرب فى كل حاجه
بنقول اوكيه وسورى ومرسيه
وكترت الفواحش وشرب الكاس
بقي الحجاب موضه ، والمرأة زى الراجل
وحاجات كتير فى مقام حساس
ايه عايزين بس يا ناس
ايه عايزين بس يا ناس
