طبعاً انا الان وحدى فى المنتدى
وتعرفوا انى اوقات بحس بغربه
وحدتنى بتقتلنى لكن معرفش ليه
بختار الوقت ده عشان اكتب
جايز انى اتعودت على الوحده
انا بحاول اكون سعيد وباشترك فى مواضيعكم
بيعجبنى جداً قربكم من بعض وطيبه قلوبكم
وبتعجبنى خفه الدم عند الكثير منكم
كلكم غالين على قلبى حبيتكم
اول ما بفتح الجهاز ايدى بتكتب منتداكم
انا انسان بسيط لقيت نفسى بينكم
حسسيت انى اعرفكم من زمان بطيبتكم
اوقات مبعرفش ارد على مواضيعكم
لكن صدقونى غالبيه المواضيع بقراها معاكم
اوقات مبعرفش ارد واكتب ايه رد عليكم
لكن موجود وبعيش بين كلماتكم
احمد بجد انسان طيب جداً ومحترم
حبيب كمان ابن تونس الحبيبه انسان عظيم
محمود الغايب عننا اخ فاضل كريم
فتحى وتامر اخواتى وحبايبى بحبكم
اسامه ومحمد واحمد والجميع الله عليكم
شباب طيبين بجد ومحبوبين وسعيد بوجودى معاكم
اما همس وتوتا ونسمه وحياه
وسحابه والعنقاء وسمكه
وبطوط وماريا ومصراويه
ليكو مكانه فى قلبى قويه
وباقى الاسماء طبعاً بعتذر
كلكم عندى سواء وليكم فى قلبى مكان
مقدرش اقول الا انى بحبكم فى الله
رساله ليكم جميعاً
طول ما احنا احبه فى الله
هنكون اقوياً وسعداء
صحيح اننا ممكن نكون بنشغل وقت فراغنا لكن
صدقونى انا عن نفسى بفرح بوجودى بينكم
واستفدت كتير منكم بجد
صحيح انا مش صغير اوى يعنى 37 عام
لكن حاسس انى عندى عشرين عام بينكم
اتمنالكم كلكم كل خير وسعاده
انا كتبت ومش هراجع كلماتى
انا عارف انه فى هنا ناس بتصحح اخطائى ربنا يخليهم
كل عيد وانتو جميعاً بخير كل يوم والجميع بخير وسلام
تقبلوا خالص تحياتى وتقديرى
محبكم فى الله
)
