البطوط المغرور كان يا مكان , وما يحلى الكلام إلا بذكر النبي عليه الصلاة والسلام .
كان فيه إيه ؟
كان فيه بطوط صغير
بس كان مغرور, كان شايف في نفسه انه أحلى البط وأجملهم .
كان كل يوم ينزل يعوم في البحيرة
ويلعب لوحده قبل ما يصحى كل البط .
كان بيقول لنفسه أنا مش هتكلم معهم أبدا, أنا أحلى منهم , ومش هلعب معهم , ولا هما ممكن يكونو اصحابى .
وكان أول ما البط يجى يعوم في البحيرة هو يخرج بسرعة
هما يستغربو ويسألوه ليه مش بتعوم معانا ؟!
يقلهم أنا حر ومش بحب أعوم مع حد .,
ويمشى ويسبهم .
وفى يوم مجاش البحيرة وهما قلقو عليه جدا,
فرحو يزروه في بيته ويسالو عليه
ويقلوله يا بطوط مش بتجى البحيرة ليه ؟
يقلهم أنا أحلى منكم ,
ومش بحب أصحبكم , ومش بجي عشان مش عاوز أشفكم .
زعلو جدا منه وخرجو وقالو خلاص من هنروح نسال عليه تأنى .
وفى يوم بطوط تعب وجالو برد شديد .,
ومش عارف يخرج يجيب لنفسه دكتور ,
ولا أكل ولا حاجه .
غاب يوم والتاني وهو لوحده حزين
ملوش أصحاب يسالو عليه .
لكن هما كانو طيبين قلقو عليه ,
ورحلو يسالو عليه تأنى فاكتشفو انه تعبان جابلو دكتور, ووقفو جمبو لحد استرد صحته (خف) .
وحس انه غلط فيهم وانه مش ممكن يعيش لوحده
حتى لو كان عنده مميزات كتير.
لازم يكون له أصحاب يسالو عنه .
وبكدا أصبح مش لوحده يلعب ويجرى مع أصحابه ,
واكتشف أن الحياة أحلى مع ألجماعه , وأطعم مع ألمشاركه والحب .
وتوته توته خلصت الحدوتة زاي فتفوته فأيد بنوتة حلوه وكتكوته . 
