[/center]
اما بعد فكلامى انهاردة يا جماعة بخصوص حاجة حصلتلى فعلا ومش بكدب عليكوا فى حاجة
وهو بخصوص موضوعى ,يخلق من الشبه اربعين
اكيد منكم عارف المثل دة
واكيد منك بيسمعه وعارفه بسى مش مقتنع بيه ,او بمعنى اصح مش قادر يتخيل ان له شبه فى الكون دة,المهم علشان مطولش عليكم ,انا كنت غير مقتنع بالمثل دة اطلاقا,لحد ما فيوم راجع فى امان الله من كليتى اللى هيا مكانها فى شبين الكوم,وبعدين بركب وسيلة المواصلات اللى هتوصلنى ,المهم فى واحد راح جاى مقرب منى وقاعد جمبى وقلى ازيك يا دكتور اسامة بقى معقولة يا راجل حد يزعل من الجماعة ويمشى من البيت,قلتله يا عم انا اسمى يوسف,قلى انت هتستعبط يا دكتور عليا علشان بردة مترجعش معايا للبيت يا ابنى دا واللدتك هتموت عليك من البكاء ,بدا الناس اللى موجودة فى العربية يقولولى لا يا ابنى ما ينفعش كدة دا مهما يكن دا والدتك,وناس اسمعها تستغفر ربنا,قلتله يا عمنا والله انا يوسف فى كلية هندسة ,والراجل مصمم على اننى اسامة,والله بصراحة خلانى اشك فى نفسى ,ان كنت اسامة ولا يوسف,المهم.
وريتله البطاقة والكارنيه بتاع الكلية,وهو بردة مش مصدق وعمال يقولى اننت والدتك هتفرح لما هتشوفك اوى,قلت فى بالى هو انا ناقصك علشان تيجى واحدة كمان توجع دماغى ,طب اعمل ايه علشان اطلع من الموقف دة؟؟؟؟؟؟؟؟؟؟؟؟؟؟؟
والراجل ماسك فيا ومصمم على ان والدتى تشفنى
انا بصراحة قلت ما بدهاش انا قلت اكيد ان الراجل دة مجنون
واول ما نزلت من العربية قلتله طب انا لزمن اروح القسم دالوقتى ,قلى ليه؟
قلتله اهو عاوز اروح وخلاص,هتيجى معايا ولا لا؟
قال هو انا هسيبك تانى انا جاى معاك,قلت فى بالى طب حلو اهو هناك اشوف حكايته ايه؟
ولما رحنا هناك وحكيت للضابط على اللى حصل معايا ,وقدمتله البطاقة والكارنيه,وبعدين الراجل راح جاى مطلع صورة ابن اخته والاوراق اللى تثبت انه ابن اخته,اللى هو اساسا فى كلية الطب وحصل خلاف بينه وبين والدته فمشى من البيت ومرجعش من سنة,بصراحة انا بصيت فى الصورة ,وبصيت فى صورتى ,والله يا جماعة مافيش اى اختلاف ما بينى وما بينه؟؟؟,وبعدين فى النهاية راح جاى الراجل اتاكد اننى اسمى يوسف واننا اللى مش قصده عليه فسبنى واعد يعيط ويقول اننى ما صدقت ,فى الاخر تطلع انت مش هو,قلتله ربنا يصبركوا ويرجع الدكتور لكم تانى بسلامة,وخرجت من القسم وانا عمال اقول
يخلق من الشبه اربعين
واقتنعت فعلا بالفكرة دى,وعلى فكرة الحكاية دى حقيقية حصلتلى انا فعلا
ويا ريت الحكاية دى متحصلش ليا تانى لانى كنت هجنن,وفى الحقيقة والله شكيت فى نفسى ان كنت اسامة ولا يوسف وخاصة بعد ما شفت الصورة اللى مع الراجل
معلش يا جماعة انا عارف اننى طولت عليكوا جامد
ويا ريت تعزرونى لانى حقيقى بستغرب كل ما افتكر الحكاية دى
