حوار بلا قيود مع سحابة شوق

سحابه ،،، مريان



ان شاء الله نستمتع بحواركم ونستفيد
بكل جوانب النقاش ومتابعين بصمت
وبالتوفيق ليكم ان شاء الله

ماريان .. أحمد

منورين واستمتعت جدا بحواركم فعلا

واتمنى على الله ان الحوار المره دى يكون مفيد أيضا للجميع

تحيااااتى





نبتدى ع بركة الله



اية رأيك في الاشاعات اللى بنشوفها كل يوم في المجتمع

اية سببها الرئيسي؟

مشكله خطيره الشائعات اللى كل يوم بنسمعها ف مجتمعاتنا دى

والمهم انها بتكون ف جميع النواحى اللى بتهم المجتمع

وانا متهيألى والله أعلم ان ليها أسباب كتير

1- ممكن يكون عدم وعى مننا بأى كلام بنقوله وخلاص

2- ممكن فئه كبيره من اللى بيسببو الشائعات دى يكونو من الطبقه الراقيه اللى معندهمش حاجه تشغلهم غير الشائعات يتسلو بيها

3- ممكن يكون سببها كتر الخوف والضيق اللى بيعيشه مجتمعنا هو السبب ف تهويل الأمور وظهور الشائعات

4- أو يكون من أسببها المثل الشعبى اللى بيقول ( الجعان بيحلم بسوق العيش ) بمعنى اننا من كتر ما بنحلم وبنتمنى عيشه أفضل بنطلع شائعات زى وجود حوافز ومكافأت زى إنخفاض الأسعار

5- أو يكون من اسباب ظهورها إلهائنا عن أمور أخرى وإنشغالنا بتوافه الأمور




تحياتى لك ماريان

في الاول بشكر الادمن لانو هو اللى عمل الزخرفة في موضوعي
ومنورين احمد وسحابة

سحابة اجابتك اكاديمية رائعه فعلا
ووضحتى اسباب كتير ممكن متجيش على بال ناس كتير

لكن اية رأيك في نتائج الاشاعات؟
هل ممكن تكون الاشاعات مفيدة؟

مش لازم في المجال السياسي حتى على مستوى الافراد في المجتمع

ماريااان عودا حميدا يا جميله



لكن اية رأيك في نتائج الاشاعات؟

الشائعات ممكن تتسبب ف كوارث ع مستوى الأفراد وع مستوى المجتمع

ممكن يكون ليها نتائج سلبيه مدمره

الشائعات عباره عن دخان حتى وان خرج من نار فهو يعمى العقول والقلوب

ويؤثر ف القرارات

هل ممكن تكون الاشاعات مفيدة؟

الشائعات نوع من أنواع الكذب أو هيا الكذب بعينه

ويصعب أن يكون هناك كذب مفيد

وانا لا أرى ف أغلب الأمور انها تفيد المجتمع ف شئ

بل أحيانا قد تزيد من غضبنا وحنقنا ع مجتمعاتنا

وأحيانا قد تفقدنا الثقه ف أقرب الأقربين لنا




ودى وردى

في اجابتك قولتى ان الكذب لايفيد

ولكن هناك ثلاث حالات من الكذب وردت في حديث شريف مبررة

اية رأيك فيهم

moooomken atab3

سحابة انا بعتذر جدا عن غيابي الفترة دى لكن بأمانة كنت مضغوطة جدا في الشغل
لكن بجد منورين ومنورة فرحه وبعتذر منك ومن سحابة مرة تانية
واستاذنك لو تحبي نمدة اسبوع كمان لو يناسبك
:) :) :)

ميرسي لذوقك سحابة
واتمنى ان نجد موضوع يخص الحديق في المنتدي الاسلامى بسبب النقاش اللى دار بيني وبين ويتنر لفر علية
ولذلك هترك الموضوع مؤقتا واسئلك

اية معنى الحرية بالنسبة ليكي؟

اهلين ما ريان

الشكر لله يا قمر



اية معنى الحرية بالنسبة ليكي؟

ممممممممممم

لا دى حاجات كتيييير جدا

لو تحيبى الخصها ف جمله واحده

فالحريه بالنسبه ليا انا

هيا انك تدينى فرصتى انى اكون نفسى ( ده مفهومها بالنسبه ليا بابسط معانيها )

وهيا إعطائى الفرصه لأفعل ما أريد
أن اقول رأيى دون خوف او قيود
أن تكون ليا إختياراتى الخاصه
الحريه أن لا يكون عليا رقيب بعد الله غير نفسى
هى ان اكون انا بصمه واحده غير مكرره

ولكن حريتى مشروطه لكى أخذها أو أعطيها لغيرى

بجد كلامك جميل جدااااااا

وعلى فكرة دى فكرة الليبرالية

وبكدا اسئلك

ما رايك في الدول التى تطبق نظام ليبرالي؟

جميل جدا كلامك
والليبرلية على الرغم من اقامتها على الفردية
ولكنها تؤمن تماما ان حريتي تقف عند انفك
يعني لا تجاوز لحقوق الاخرين
معلوماتك مش بسيطة ولا متواضعة واارائك فعلا رائعه

وبمناسبة فصل الدين عن الدولة

في رايك
ماهى مميزات ان يكون للدولة دين معين؟

شكرا لذوقك ماريان

انتى الأجمل أكيد



في رايك
ماهى مميزات ان يكون للدولة دين معين؟

دين معين لدوله ده شئ صعب لان رغماً عن الجميع
هيكون فيه أديان أخرى واحنا منقدرش نفرض الدين على حد
لاننا هنحترم الأديان ومعتقدات الأخرين .... لكن لو وجد دين
يقدس الأديان الأخرى ويحترم حقوقهم وأفكارهم فده شئ جميل
ومفيش أنصف من الدين الأسلامى للقيام بهذا الدور


وأكبر مثال ع كده لو هناخد مصر مثال
احنا التشريع عندنا قائم على الشريعه الإسلاميه
وأنا أشهد الله وكلمة حق أقولها أن الأقباط تحيا هنا حياه كريمه
فلهم دور العباده ويعيشون معنا ف سلام
ونحن نودهم وديننا الحنيف وصانا بهذا
ولكن لو نظرنا مثلا الى مثال اخر كفرنسا
فأنت تعلمين تشريعهم وكيف يعاملون الإسلام هناك


فلاعيب ف وجود دين معين للدوله
ولكن العيب ف عدم الإنصاف ف تطبيقه

اية رأيك في قانون دور العبادة الموحد؟

سحابة
اولا
البقاء لله وان شاء الله تكون اخر الاحزان

بالنسبة لاجابتك
فانا لا اتكلم عن دول نتقضها ونطالب فيها بحقوق المسلمين

بالرغم انه على سبيل المثال اذا تكلمنا على امريكا وقصة المسجد الذي ينبي بالقرب من مبني التجارة العالمية
نتخذ اجمل مثال من اكثر الدول التى يتعبرها البعض معادية لنا

ولكن هل الطائفية ستهدئ حين نتعامل مع المسحين كأقلية ليس لهم الحق مثلهم مثل اخواتهم في الوطن في بناء الدور العبادة؟
وهنا اقصد قانون دور العبادة الموحد
مانا اعلم عدد الكنائس وكثافتها وعدد المساجد وكثفتها بالاحصائيات

ماريان كتب:

بالنسبة لاجابتك
فانا لا اتكلم عن دول نتقضها ونطالب فيها بحقوق المسلمين

بالرغم انه على سبيل المثال اذا تكلمنا على امريكا وقصة المسجد الذي ينبي بالقرب من مبني التجارة العالمية
نتخذ اجمل مثال من اكثر الدول التى يتعبرها البعض معادية لنا

ولكن هل الطائفية ستهدئ حين نتعامل مع المسحين كأقلية ليس لهم الحق مثلهم مثل اخواتهم في الوطن في بناء الدور العبادة؟
وهنا اقصد قانون دور العبادة الموحد
مانا اعلم عدد الكنائس وكثافتها وعدد المساجد وكثفتها بالاحصائيات

قد سبق وقلت ان من حق الجميع ممارسة شعائرهم الدينيه
ولا أحد ينكر عليهم هذا . وحينما ذكرت أن المسيحيين أقليه فهذا
فقط لقلة العدد والنسبه بينهم وبين المسلمين العدديه فقط



ولم يكن ردى انتقاض او مطالبه بحقوق المسلمين فى أى دوله
ولكنى أردت التأكيد على أن فكرة الدوله تحكمها المواطنه
وليس القانون



وبالنسبه للمثال الذى ذكرتيه عن بناء مسجد فى أمريكا
فستجدين أن أغلب المؤيدين له هم من العرب المقيمين
هناك والمسلمون. وقد رأينا جميعاً ردة الفعل البشعه
حين قام هذا السخيف اللآهث وراء الشهره بالدعوه
إلى حرق القرآن . وهناك أيضا مظاهرات عده لوقف
بناء هذا المسجد


الفتنه الطائفيه ليس سببها عدم بناء دور عباده فهذا منذ
أمد ولم يحدث شئ ولكنها حدثت من أفكار وقوى غربيه تريد
تدمير الوحده الوطنيه هنا فتأتى عن طريق إقناع أى الطرفين
بحقوقه المهدره


انا لا أعارض بناء دور عباده للمسيحيين فهذا حق
لا يستطيع منصف إنكاره ولكن فى حدود وشروط
ولا يصح أن نقول قانون دور عباده موحد
( فأنا لا أؤيد هذا )
وان كانت الإحصائيات تشير بقلة الكنائس نسبه إلى المساجد
فهذا يرجع الى زيادة عدد المسلمين بفضل الله فى هذه
الدوله



ماريان أعتذر إن كنت أطلت ف الحديث
تحياتى لكى غاليتى فأنا مستمتعه جدا بالحديث معك

تعديل بتالنسبة لما جري في امريكا رغم انتقاداتى لكثير من السياسات
ولكن كأعضاء كونجرس وقيادات يرون ان ليس هناك مشكلة
اتحدث عن سياسة حكومة وليست ثقافه شعب

وبناء علية وسؤالى الاخير ليكي

ما رأيك في المؤتمر الاسلامي الامريكي
واخص بالذكر
فليم فوبيا الاسلام الذي نشر عنه في عدد سابق من جريدة المصري اليوم

مارأيك بهذا النشاط

ماريان كتب:

تعديل بتالنسبة لما جري في امريكا رغم انتقاداتى لكثير من السياسات
ولكن كأعضاء كونجرس وقيادات يرون ان ليس هناك مشكلة
اتحدث عن سياسة حكومة وليست ثقافه شعب

وكأنه سمُ ف العسل
لا أرى فى ما ذكرتى أى شئ يدعو للتفاؤل
ولكن هو فكر مخطط لكسب ثقة المسلمين
المتزايدين بفضل الله ف امريكا وكسب ثقة
الشعوب العربيه المسلمه

وبناء علية وسؤالى الاخير ليكي

ما رأيك في المؤتمر الاسلامي الامريكي
واخص بالذكر
فليم فوبيا الاسلام الذي نشر عنه في عدد سابق من جريدة المصري اليوم

مارأيك بهذا النشاط

عـذراَ فأنا لا أملك قدرا كافيا من المعلومات كى أكون رأى
خاص بى فى هذا الموضوع
ولا أريد أن أهرف بما لا أعرف



ولكن لا يروق لى كلمة فوبيا الإسلام التى بدئت ف
الإنتشار كثيرا هذه الأيام
ففى أمريكا تتحدث عن أفلام تخص الإسلام منها المنصف
كفيلم موت الرئيس
ومنها غير ذلك
وأجدها تتكرر ف مصر عند التحدث
عن الحجاب والإلتزام
وانتشار التيار الدينى
وف بلاد غربيه كثيره
وأرى ان كل هذا يرجع إلى شعور دول الغرب
بإنتشار الإسلام ف الفتره الأخيره
بشكل كبير والحمد لله


(إِذَا جَاءَ نَصْرُ اللَّهِ وَالْفَتْحُ * وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجاً * فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّاباً) (النصر:1-3)
صدق الله العظيم
سبحانك اللهم وبحمدك ، أشهد أن لا إله إلا أنت أستغفرك وأتوب إليك