محتاجين علشان نبنى دوله لشعب وقطعه ارض ونظام حكم يعيش ويوافق عليه الشعب طيب احنا والحمد لله كل واحد عايش فى قطعه ارض ارض الله واسعه طيب وفيه ناس عايشه معانا الحمد لله ربنا يزيد ويبارك وطبعا نظام الحكم اللى يخلينا نعيش مع بعض واحنا مفيش جوانا احتقان او تمييز
واكيد اى عائق بيقف قدام تفكيرنا بنحتاج لتفسير له او اجابه طيب مين هايجاوبنا اكيد اللى بيتولو مسؤوليه متابعه ورقابه نظام الحكم اللى يناسبنا يعنى ولله الحمد الدنيا مفيش فيها كلاكيع ولا مطبات
طيب احنا بردة مش قطعه الارض دى زى البخت يعنى ممكن يكون فى بطنها بطيخه ياتطلع حمرا ياقرعه طيب افرض ناقصنا حاجه نعمل ايه ونتصرف ازاى اكيد هانبص للجيران ونقولهم ياجماعه ياترى عندكم شويه دقيق نعمل بيهم عيش ناكله او شويه ميه نشرب والاجر والثواب عند الله
والله كلام منطقى وطبيعى يعنى زى مابنقول الناس لبعضيها واحنا ناس يعنى وبعضيها احنا بردة بس فى وسط الناس فى ناس مش زى ناس فى ناس احلامها تعمر وتبنى وتعيش مستورة وفى ناس متعرفلهاش حلم ولا نوايا
المهم الدنيا بتمشى والايام بتجرى ومبقاش الموضوع شويه دقيق وكوبايه ميه تروى عطشنا بقى الموضوع طمع وجشع ونفسنه وغيرة وحقد اشمعنا عندك ومش عندى بالظبط العلاقه مابين الدول زى العلاقه مابين الناس ماهو فى كل الحالات كلنا ناس وامريكا زى الناس وفى ناس مش زى ناس
نسمه حب ادارة عروبتنا
موضوع: رد: امريكا زى الناس 30.03.11 9:54
امريكا دي اكبر من كل الناس بتبني لنفسها قصور وبتهد أي بيت عربي مايعجبهاش بتشرب الميه المعدنيه وعاوزه كل العرب تشرب من البحر بتاكل عيش نظيف وعاوزه العرب ياكلو الزلط
امريكا عماها الجشع وعاوزه تكوش على كلوا نفط وبترول وفسوفاط وحتى الهوى الي بنتنفسوا بتحسدنا عليه ربنا اكرمنا كعرب مسلمين وادانا ثروات وللأسف بنساعد امريكا وغيرها انها تلهفها
امريكا دي وحش صعب أي حد يقرب منوا مهما عمل وربنا يستر علينا جميعااا
مشكور احمد لموضوعك الاكتر من رائع
حبيب الروح النخبه
موضوع: رد: امريكا زى الناس 30.03.11 12:47
الراقي احمد
موضوع راق كرقي تفكيرك السليم
أعجبت بتقييمك لما يدور في العالم
الداخلي والخارجي , و تشبيهك السليم
للمعاملات الدولية بالمجتمعات الصغيرة
الكل واحد كلنا عباد الله لكن لكل منا
طموحات و مستوى في الأخلاقيات
و هذا يرتكز على الديانات
سلمت لنا أفكارك الراقية
تحياتي
سحابة شوق اسرة عروبتنا
موضوع: رد: امريكا زى الناس 30.03.11 17:21
امريكا زى الناس
بس طبعا ناس مش زى ناس
ناس طمعانه وناس شبعانه وناس للتملك جعانه
وفيه ناس طمعانه ولو ف لقمة عيش مغموسه بذل
وشبعانه فقر وبرد وطل
وجعانه للراحه والأمان
وطالما فيه دول تلاقى دول
سمعاك بتقولى ليه
أقولك أنا طيب هيا أمريكا تبقى زى الناس إزاى لو مفيش من نوعية الناس دى موجوده
أقولك ع رأيك هيا أرض وهما ناس بس بتفرق ف المقاس !
RAIN ۩ LOVER اسرة عروبتنا
موضوع: رد: امريكا زى الناس 30.03.11 19:43
نسمه حب كتب:
امريكا دي اكبر من كل الناس بتبني لنفسها قصور وبتهد أي بيت عربي مايعجبهاش بتشرب الميه المعدنيه وعاوزه كل العرب تشرب من البحر بتاكل عيش نظيف وعاوزه العرب ياكلو الزلط
امريكا عماها الجشع وعاوزه تكوش على كلوا نفط وبترول وفسوفاط وحتى الهوى الي بنتنفسوا بتحسدنا عليه ربنا اكرمنا كعرب مسلمين وادانا ثروات وللأسف بنساعد امريكا وغيرها انها تلهفها
امريكا دي وحش صعب أي حد يقرب منوا مهما عمل وربنا يستر علينا جميعااا
مشكور احمد لموضوعك الاكتر من رائع
مرورك كله وعى نسمه اضافتك رائعه للمحتوى اسعدنى حضورك نسمه
