اسال مجرب فكره حلوه جدا
انا عاوزه اقولكم تجربتى
مش فى شراء ولا بيع
تجربتى هى انى صحيت من النوم لقتنى زهقانه عاوزه
اغير فى شكل الرسيبشن
ولانى اسكن فى دور عالى
ضوء الشمس بيكون شديد وبحس انى قاعده فى الشارع ومش بحب الستاير الثقيله
بتخنق منها ومساحه الزجاج كبيره اشتريت الوان زجاج بس طبعا بعد تفكييييييييير
وتمحيص رسمت عليها ورود ملونه
بالوان مختلفه وطبعا لازم تكونى بتعرفى
ترسمى لو مش بتعرفى ممكن ترسمى اى اشكال بسيطه طبعا مجاذفه
بس الحمد لله جت سليمه ومضربتش
وعلى فكره انا اشتريت 4 الوان بس مع القلم اللى بحدد بيه الرسم واشتريته
من مكتبه وسالت على افضل الانواع
واستخدمت اكتر من عبوه لان المساحه كبيره و طبعا الكميه حسب المساحه
واستخدمت اللون الاسود فى التحديد والاحمر والاخضر والاصفر والبنفسج
فى لون الزهور
وعملت شكل حلو جدا وضوء جميل لما الشمس بتوصل للزجاج زوجى
فرح بيه جدا وقالى اياك تعمليها تانى بس طبعا اقنعته بالحجه ان دى مملكتى
وانا بجملها بطريقتى
صدقونى احساس جميل جدا انك تصنعى شىء بايدك ويغير شكل فى حياتك
اى شىء عندك شكله مضايقك ممكن تبدعى فيه وتغيرى منه واشياء كثيره جدا
ممكن نفتكر انها خلاص تترمى
هاكتبلكم المره الجايه عن قطعه قماش كانت زياده عندى من
تكيات الصالون وعملتها مفرش للسفره
اشكرك احمد على هذا القسم الرائع
:yeloow nm : :yeloow nm : :yeloow nm :
