اسأل روحك , اسأل قلبك اسأل الماضي, و الحاضر بعدك إيه إلي جنيتي من هجرك ليا نار شوقي ليك بتحرق فيا يا ترى هجرك, ريح قلبك ؟ لما أخذتي روحي تبعك
آه لو تعرفي إلي قاسيته و تقدري إلي معك بنيته بنيت قصور في أحلامي بحبك و بساتين ورد و جناين ودك و كنت أنتي ملكة حبي و نجمة عمري و شمسي و قمري و كانت أيامنا ربيع في ربيع حرام عليك الحب يضيع
اسأل روحك تحب إيه اسأل قلبك بقلك ايه اسأل الماضي و الأيام الحلوة و شوفي الحاضر إلي بقينا عليه يا ترى يا وحشني ح تقرري إيه
فاكره لما كنت جنبي كنت فراشة تحوم حوليا و قمر زماني منورة لياليا إيه إلي خلاكي تبعدي عني و تطفي نور حياتي و عينيا
باتت ظلام لياليا بهجرك و نار الشوق بتحرق قلبي ببعدك هجرك ليا , اثر فيا خلى أيامي تساوي لياليا و حتى النوم جفا من عنيا ارجعلي و ضمني في حضنك و شوفي إيه إلي حصلي في بعدك
