ايه دة الساعه 8 ولسه منمتوش طيب تعالو احكيلكو حكايه فار طماع ونشوف الطمع عمل فيه ايه
كان ياما كان فى فلاح طيب وكان عندة ارض وبيت ومخزن واسرة فيها ولد وبنت صغيرين زيكم وكانو شاطرين علشان كانو بينامو بدرى وبيسمعو كلام بابا وماما علشان هما اكتر اتنين بيخافو عليهم
وكان باباهم كل يوم يصحى الفجر ويصلى وطمن على الاولادة وزوجته ويروح الارض اللى بيزرع فيها الاكل اللى بناكله وبيفضل يزرع ويشتغل فى الارض لحد مالظهر ياذن وبعدين يروح يصلى ويرع يفضل يزرع ويشتغل فى ارضه لحد العصر يصلى ويروح لبيته واسرته ويرع ومعاة اكل البيت وكل خطوة بيمشيها يقول الحمد لله وهو فرحان وسعيد
وفى يوم من الايام كان فى فار كسول عمال يراقب الفلاح كل يوم وهو رايح ارضه وهو راجع وعرف ان الفلاح عندة مخزن بيشيل فى خير الارض ولما الفار عرف كدة بص على المخزن وبص جواة شاف قمح كتير ماشاء الله بس لقى قط طيب كان الفلاح بيحبه كان قط طيب ومش بيشتم حد عرفته ليه الفلاح بيحبه ولا لا ؟
الفار يعمل ايه يعمل ايه علشان يدخل المخزن من غير مالقط يشوفه راح عمل حفرة تحت ارض المخزن لحد مافتح فتح تنزله قمح وقدر الفار يخلى القط مش يشوفه وبقى الفار مبسوط بس الفتحه اللى عملها فى الارض كانت بتنزل حبه قمح واحدة وعلشان يزود حب القمح بقى الفار كل يوم يزود الفتحه اللى بيعملها لحد ماحصل والفتحه بقت كبيرة
وفى يوم من الايام والفار عمال يزود فى الفتحه علشان يزود القمح بص لقى مين نزل ؟
لقى القط نزل من الفتحه راح القط الطيب قاله حرام عليك ليه تسرق قمح الفلاح وهو كل يوم يتعب علشان يزرعه ويحصد خير الارض وقاله القط كمان عرفت ايه اخرة الطمع انا دلوقتى هامسكك وهاقول للفلاح وهو هايضربك
وتوته توته خلصت الحدوته ايه رائيكم
عرفتو واتعلمتو ان الطمع بيقل ماجمع ولا لسه ايه دة انتو نمتو
/ أحمد
